تحضير وحده النحل لرياض الاطفال ومعرفه أجزاء النحله مع نشيد النحله

 أحاديث قصيرة صحيحة مع الشرح للأطفال في الروضه

 

السلام عليكم  يجب أن نربي أطفالنا علي القيم والمباديء وتعاليم الإسلام الصحيحة ويجب تعليمهم سيرة الرسول  والأحاديث النبوية الشريفة منذ صغرهم  و لازم أعرف طفلي علي الاحاديث ولازم يعرف 

إن الحديث هوما ورد عن الرسول صلي الله عليه وسلم من قول أو فعل أوتقرير  يعني أي حاجة الرسول قالها أو عملها أو شاف شخص بيعملهاووافق علي االي بيعمله 

قال رسول الله صلي الله عليه وسلم

                                  ((المرء مع من أحبَّ)) 

السلام عليكم يا حبايب قلبي       حديث اليوم هو المرء مع من أحبَّ

يعني أنا بحب النبي محمد وكلنا بنحب النبي محمد وعلشان بنحبه وبنسمع كلامه   في كل حاجه بيأمرنا بيها  وأسمع كلام ماما وما معملش حاجة وحشة ولو عملت حاجة وحشة أستغفر علي طول  يبقي هنكون معاه في الجنة ونشرب من نهر الكوثر اللي في الجنة 

وأنا لازم أحب الناس الكويسة اللي بتسمع كلام ربنا ونكون مع بعض سوا في الجنة 

• قال رسول الله صلي الله عليه وسلم

                    ((قل هو الله أحد تعدل ثلث القران))

السلام عليكم  عارفين يا ولاد رسولنا الكريم بيعلمنا ويقولنا 

 ((قل هو الله أحد تعدل ثلث القران))وهي سورة الإخلاص  ومن قرأها بيكون له ثواب عظيم واللي يقرأها كأنه قرأ ثلث القران وسورة الإخلاص تعرفتا أن الله وحده لاشريك له

• قال رسول الله صلي الله عليه وسلم

                           ((الكلمة الطيبة صدقة))

السلام عليكم ياحبايبي  رددوا معايا ((الكلمة الطيبة صدقة)) يعي لازم أقول الكلام الطيب ومقولش كلام وحش أبدا   لما أقول الحمد الله كلمه طيبة وسبحان الله كلمة طيبة لو مثلا شخص قدم لي هدية أقولة جزاك الله خيرا  ولو لقيت واحد صاحبي هيعمل حاجة مش صح أنصحة وبكده صدقة  وأن الناس لا يحبون من يتصرف بسوء ولكن يحبون من هو طيب الكلام

• قال رسول الله صلي الله عليه وسلم

                              ((تهادوا تحابوا ))

ياحبايبي عندما أقدم هدية لأمي أخد ثواب عظيم وهو من أبواب البر وعندما أقدم هدية لأصدقائي تزداد المحبة بيننا لذلك جا ء  حديث الرسول صلي الله علية وسلم يحثنا علي ذلك

• قال رسول الله صلي الله عليه وسلم

                        ((إن الله جميل يحب الجمال))

حبايب  قلبي ربنا دايما بيحبنا نكون بنحافظ علي شكلنا نكون دايما بنحافظ علي نظافتنا ويكون شكلنا كويس  ودايما شعرنا كويس  وكمان المكان اللي بنعيش فيه يكون دايما مرتب ونظيف

• قال رسول الله صلي الله عليه وسلم

             ((أدِّ الأمانة إلي منِ ائتمنكَ ولا تخنْ من خانك)) 

حبايب قلبي عاملين إيه لومحمد ترك مع أحمد اللعبة الخاصة به  كأمانة

 وبعد أسبوع طلبها منه يعمل إيه أكيد يرجعها 

عارفين يرجعها ليه لأنها أمانه ورسولنا الكريم كان اسمه الصادق الأمين وإحنا لازم نكون أمناء قدوة برسولنا الكريم وفقا للحديث الشري((أدِّ الأمانة إلي منِ ائتمنكَ ولا تخنْ من خانك))  عارفين حتي لو محمد عمل تصرفات مش كويسة مع أحمد لازم برضوا يرجع له الأمانة لإنه لو مرجعهاش تبقي خيانة للأمانة والمسلم لازم يكون أمين

 

حديث عن فضل القران  الكريم

• قال رسول الله صلي الله عليه وسلم

                                     ((خيركم من تعلم القران وعلمه))

أعرف الاطفال إن خير الناس من يحفظ القران وذلك بيجعل له منزلة عند الله

علي المسلم أن يتأدب بأدب حملة القران

من يتعلم القران عليه أن يعلمه لغيره ليكون من الأخيار

• قال رسول الله صلي الله عليه وسلم 

                   ((يا غلام سمِّ الله وكل بيمينك وكل مما يليك))

السلام عليكم حبايبي 

رسولنا الكريم بيعلم اداب الطعام وبيعلمنا التسمية قبل الأكل وأن نأكل بيدنا اليمني  وأن ناكل من أمامنا في الطبق مش في وسط الطبق 

للتعرف علي اداب الطعام

 

 تعليم الطفل اداب الطعام بطريقه مشوقه مع الحديث والنشيد

 

• قال رسول الله صلي الله عليه وسلم 

((الدين النصيحة)) 

عاملين  إية حديث اليوم هو  ((الدين النصيحة))  يعني لازم أول ما أشوف حد من أصحابي بيعمل حاجة غلط لازم أنصحة مقولش أنا مالي  وهناخد ثواب عظيم علي ذلك ولازم أنصحة بطريقة كويسة  بالطريقة اللي يحبها

• قال رسول الله صلي الله عليه وسلم 
  

((ارحمْ من فِي الأرضِ يَرْحَمْكَ مَنْ فِي السَّمَاءِ))

السلام عليكم حبايبي المسلم لازم يكون رحيم بمن حولة فعندما يكون الإنسان رحيم بمن حولة من إنسان أو حيوان فربنا هيرحمه وياخد ثواب كبير فالرحمة ليست بالإنسان فقط وبالحيوان أيضا مينفعش أضرب قطة مثلا  او كلب في الشارع  

 

قال رسول الله صلي الله عليه وسلم                      

 

((الدَّالُ علي الخيرِكفاعِلِهِ))

إذيكوا يا أولادي عاملين إيه عارفين يا ولاد لوكنت رايح تصلي العصر وأخدت صاحبك معاك ربنا هيديك ثواب كبير   لوقلت لحد من أصحابي علي خير يعمله أخد ثواب وذلك لقول الرسول((الدَّالُ علي الخيرِكفاعِلِهِ))
 

مواضيع تهمك

 

  أنشودة طبق السلطه والغذاءالصحي لاطفال الحضانه 

 علمي طفلك القيم بشكل جديد (نشيد التوفير لأطفال الحضانه )

 تعليم الأطفال في الحضانه الوقاية من فيرس كورناعن طريق الاغنية

 أعمل إيه يساعد إبني يحب الحضانه

 تجربة الإحتكاك للأطفال الصغار بالقصة والنشيد تعلم معنا

 مفاهيم علميه للاطفال مفهوم الجاذبية