تعليم الطفل اداب الطعام بطريقه مشوقه مع الحديث والنشيد
الأهداف
*يتعلم أن الطعام هو نعمة من نعم الله العظيمة للإنسان يجب المحافظه عليها والشكر له دائما وأبدا
* يتعلق بسنة رسول الله صَلى اللهُ عَلَيْهِ وسَلم، ومنها آداب الأكل.
* تعليم الطفل الطفل التسميه قبل الأكل وإذا نسيتُ أن أذكرَ اللهَ تعالَى قَبْلَ بَدْئي بِالأَكْلِ، أَقولُ عِنْدَ تَذَكري: "باسمِ الله في أَولِهِ وآخِرِهِ".
* تعليم الأطفال إن الأكل دائما يكون باليد اليمين، وهذا دليل من رسولنا الكريم صلى الله عليه وسلم ” إذا أكل أحدكم فليأكل بيمينه وإذا شرب فليشرب بيمينه فإن الشيطان يأكل بشماله ويشرب بشماله”.إقرأ المزيد على معلومة ثقافية
*تعليم الطفل أنه لا يصح أن نعيب بالطعام، فإن الطعام رزق من عند الله يجب علينا شكر رب العالمين عليه فقد كان رسولنا
الكريم لا يعيب طعاما أبدًا، فإنه إذا أحب الطعام أكله وإذا لم يحبه سكت ولم يعب به
*غرس داخل أطفالنا منذ الصغر غسل أيديهم قبل الأكل وبعد الأكل
*تعليم الطفل أن يحمد الله بعد الانتهاء من تناول طعامه، وإن نسي نظل نذكره حتى يعتاد ذلك
*تعليم الطفل الأكل بثلاث أصابع، فقط حتي لا يقم بتلوث اليد بالكامل
*لا نأكل من وسط الطبق، بل نأكل مما يَلينا، فقد ؛ أي: نأكل من الجهة المقابلة لنا في الطبق.
نأكل باليد اليمنى.
حديث
قال رسول الله صَلى اللهُ عَلَيْهِ وسَلم: "يا غلام، سمِّ الله وكُلْ بيمينك، وكُل مما يليك"
دعاء
قبل البدء بالاكل :اللهم ما بارك لنا فيما رزقتنا وزدنا منه بسم الله
عندما ننتهي من الطعام، نحمد الله تعالى على نعمة الطعام، فنقول: "الحمد لله الذي أطعمني هذا، ورزَقنيه من غير حول مني ولا قوة".
طريقه الشرح
السلام عليكوا ياحبايبي عاملين أيه النهارده كويسين فطرتوا ولا لسه مين فطر ؟
إنت يا محمد فطرت طيب محمد يقولنا عمل إيه لما جه يفطر يلا يامحمد قول
بصي يامس أنا مسكت الساندوتش ورحت وأكل بس كده
المعلمه لا يامحمد مش كلنا بنحب النبي محمد وكلنا مسلمين يبقي لازم لما نيجي ناكل نعمل زي النبي محمد ما كان بيعمل صلي الله عليه وسلم يالا كله يصلي علي النبي
أول حاجه لازم إيدي تبقي نضيفه قبل ما أكل ينفع أكل بإيدي ,هي مش نضيفه لا طبعا عارفين ليه علشان بيبقي في جراثيم موجوده وأنا مش شايفها لازم أغسلها بالمياه والصابون والجراثيم بتخليني تعبان وعيان
بعد ما أغسل إيدي
يا تري أكل بإيدي أكل بإيدي اليسري ولا اليمني اليمني طبعا زي ما رسولنا ماقال لنا
وناكل وإحنا قاعدين و نقول بسم الله
وناكل بس ناكل مما يلينا يعني من قدامنا علي طول ماناكلش من وسط الطبق
وما تكلمش وألأكل في بقي وأمضغ كويس علشان بطني متوجعنيش واقفل بقي وأنا بمضغ الأكل ومعملش صوت
وماملاش بقي جامد بالاكل
وما اأنفخش في الأكل لو سخن
بعد ما نخلص أكل نقول الحمد لله
والطعام دا نعمه كبيره من عند ربنا لازم نشكره عليها ومينفعش ابدا نعيب علي الأكل إللي ماما بتعمله لوحبناه أكلناه ما حبنهوش منقولش عليه حاجه
مين يا ولاد عايز يبقي قوي
إللي عايز يكون قوي ياكل طعام صحي زي الفاكهه والخضروات والبيض واللبن علشان عظمنا يكون قوي
وعندما نكون أقوياءَ، فهل نساعد الآخرين؟ هل نساعد الوالدة في عمل المنزل، أو نساعد الوالد في شراء الحاجات، أو نساعد جدنا وجدتنا إن طلبا منا المساعدة، أو نقوم بجمع مال للفقير والمسكين والمحتاج؟
النشيد
الله اكبر بسم الله
الله اكبر بسم الله ♥_♥_♥_♥_♥ الله اكبر بسم الله
اسلامنا ديننا يعلمنا ♥_♥_♥_♥_♥ قبل الطعام نغسل ايدنا
ونقول جميعا بسم الله ♥_♥_♥_♥_♥ اللى رزقنا واكلنا
علمنا بعد الاكل نقول ♥_♥_♥_♥_♥ الحمد لله كدة على طول
ومنعيبش فى الاكل المعمول ♥_♥_♥_♥_♥ ان كان كباب او حبة فول
علمنا ان احنا نصلي ♥_♥_♥_♥_♥ ونحب كل اللى يصلي
عرفنا ان اللى مبيصليش ♥_♥_♥_♥_♥ عنده فى مخه ترللي
علمنا ان نقرأ فى مصحفنا ♥_♥_♥_♥_♥ كلام الهنا اللى خلقنا
للتعرف علي أحلي نشيد عن يوم الجمعه للاطفال
إضغط علي الرابط التالي
إرسال تعليق