تجربة الإحتكاك للأطفال الصغار بالقصة والنشيد تعلم معنا
عزيزتي معلمة الروضة
معرفة الطفل للعلوم المختلفة في سن مبكرة يساعدة ذلك علي تنمية مهاراتة العقلية فالطفل في هذة المرحلة يتمع بالفضول وحب الإستكشاف فعليكي مساعدتة علي ذلك بتزويده
بالعلوم المختلفة وعدم الإقتصار علي بعض العلوم دون الأخري والأهتمام بالعلوم الفيزيقية وكل أنواع العلوم فالتعلم من خلال التجارب العلميه يساعد الطفل علي التعلم بسرعة ويشعرة بالمتعة العلمية دون ملل أو كلل لأنه يمارس العمل الذي يساعدة علي تنمية حب الأكتشاف لدية ويصبح شغوفا بالعلم في كبره كما تربي علي ذلك في صغرة
وإليكي شرح تجربة الإحتكاك للأطفال بطريقة سهلة
تبدأ المعلمة بالشرح كالأتي
وعليهاإتباع إستراتيجات التعلم المختلفه وإستخدام إستراتجية العصف الذهني وذلك لتوليد الأفكار الإبداعية لدي الطفل والتعرف علي الأراء والأفكارالمختلفة
الشرح
السلام عليكم أطفالي الأعزاء اليوم سوف نقوم بتجربة جميلة يلا كله يعمل زي ما أنا هعمل تقوم المعلمه بإحتكاك يديها مع بعض إيه رائيكوا ياولاد
عارفين إحنا عملنا إيه
تترك المعلمه مساحة للطفل وتستمع إلي الإجابات المختلفة وتترك الطفل يتوقع موضوع الدرس وذلك لتحفيز الطفل علي أن يكون أكثر فاعلية ومشاركة وتوليد الأراء والأفكار المختلفة لديه
دلوقتي عملنا إحتكاك
يبقي الاحتكاك
بيكون بين سطحين متلامسين أثناء حركة واحد منهم أو هما الاثنين وأنا بمشي دا إحتكاك والإحتكاك بيخلني أمشي سهل ما أقعش وأنا بكتب بالقلم بكتب بسرعة دا إحتكاك
وعارفين يا ولاد قوة الإحتكاك علي السطح الخشن أكبر من قوة الإحتكاك علي السطح الاملس الناعم
يعني الاحتكاك علي الحاجه الناعمه بيكون سهل زي الزحليقة ناعمه وبنتزحلق علي طول
مثال لو مسكنا القلم وحركناه علي سطح ناعم زي التربيزة هينزلق بسرعة غير لوجبت القلم وحركته علي سطح خشن زي الرمل هيكون في وقت أكبر ودا نتيجة للإحتكاك
وعارفين قوة الإحتكاك دي 👈 بتخلي الجسم يمشي بطيء مش بسرعة زي العربيات إحتكاك كاوتش العربية بالأسفلت علشان متعملش حادثة وبنستخدم الفرامل وبيحصل إحتكاك ودا بيخلي العربية تقف
لاحظ معي👈 قوة الأحتكاك بتختلف من مادة لاخري وكلما كان السطحين المتلامسين أكثر خشونة يزداد الإحتكاك وكلما كانوا أكثر نعومة قل الإحتكاك
عارفين الإحتكاك دا ليه فوايد كتيرة جدا
- الإحتكاك بيساعدني إني متزحلقش وأنا ماشي
- الإحتكاك بيبطيء السرعة زي ما قلنا سرعة العربيات
- الإحتكاك بيخلني أعرف أمسك الأشياء كويس ومتقعش مني أعرف أتحكم في القلم وأمسك الشنطة وأفتحها
- الإحتكاك بيخليني أعرف أولع الكبريت لو مفيش إحتكاك عمري ماعرف أولعه
كان يا ماكان في سالف العصر والزمان ولا يحلي الكلام إلا بذكر النبي علية الصلاة والسلام نقول إية يا ولاد علية الصلاة والسلام
كان الإنسان زمان كان عايش في الكهوف ومعدوش حاجات كتير زينا لا عنده كهربا وما كانش يعرف النار مش إحنا بنولع النار بالكبريت هو ماكنش عنده الكبريت اللي بنولعه ومرة وهو قاعد كده وماسك في إيدة حجرين صوان وهو ماسكهم قام خابطهم في بعض عمل إيه إحتكاك فطلعت شررة والشرارة دي طارت وجت علي ورقة شجر جافة فراحت مولعة فعرف النار وبقي لما يعوز يدفيء يولع النار يبقي الإحتكاك دا حاجة مهمه جدا
نشيد الإحتكاك للأطفال الصغار
بالإحتكاك تقف السيارة
بالإحتكاك تهبط الطيارة
بالإحتكاك أشعل الثقاب
بالإحتكاك أمسك الكتاب
بالإحتكاك عمري ما هتزحلق ولا عمري هتصاب
مواضيع تهمك👇
إرسال تعليق