أناشيد تعليميه مجمعه لسن ثلاث سنوات للأطفال في الحضانة
أهمية الأناشيد
إن للأناشيد أهمية كبيرة في هذه المرحلة حيث أنها تساعد علي النطق السليم وإخراج الحروف من مخارجها كما أنها تدخل السعادة والسرور علي نفس الطفل وتساعد علي إكساب الطفل بعض المهارات التعليمية والسلوكية
وتساعده علي التميز السمعي واللغوي وتساعده ايضا علي المشاركة الجماعية
لاحظ
يجب مراعاة المعلمة التمثيل التعبيري للكلمات مما يساعد الطفل علي الحفظ بسرعة
نشيد بسم الله
بسم الله بسم الله
أحلي كلام إتعلمناه
قبل ما ناكل قبل ما نشرب
لازم لازم بسم الله
قبل ما نقرا قبل ما نكتب
لازم لازم بسم الله
قبل ما نجري قبل ما نلعب
لازم لازم بسم الله
نشيد أنا سمكة ملونة
أنا سمكة ملونة ملونة ملونة
وتخينة مقلبظة مقلبظة
أنزل تحت الميه وصحابي حواليا
أهرب من الصنارة والشبكة الغدارة
الإيد دي خمس صوابع
و الإيد دي خمس صوابع
يلا نحط إيد علي إيد يبقوا عشرة بالترتيب
12345678910
نشيد العصفور
العصفور يقوم من النوم يقوم يسبح هيه
يلا نسبح هيه
لأجل نفلح هيه
الصلاة يا مؤمنين هيه
هي عماد الدين هيه
صوم في رمضان هيه
صحه للإنسان هيه
يلا نسبح هيه لأجل نفلح هيه
نشيد إصحي يا شمس بدري
إصحي ياشمس بدري
خلي البحر يغلي
يطلع منه بخار
يبقي سحاب طيار
يجي الريح ويشيله
يتخانق ويا زميله
يحصل رعد وبرق
المطره تسقي الارض
يجي الخير والسعد
نشيد الكتكوت الصعير
يا كتكوت يا صغير
مالك كده متحير
مين طلعلك ريشك
بابا لأ لأ
ماما لأ لأ
أمال مين
هو رب العالمين
نشيد الفيل أبو زلومه
انا الفيل ابو زلومه
زلومتى طويله طويله
اخد بيها المايه وارش
رشه ورشه زى الدش
انا زعلان انا زعلان
جدا جدا من الإنسان
لما ناداني أبرهه
روح للكعبه وهدها
أنا مرضتش عشان الله
قولوا ياولادسبحان الله
سبحان الله سبحان الله
نشيد السما فين
السما فين فوق فوق
والأرض فين تحت تحت
إنتم وحشين لأ لأ
إنتم حلوين أه أه
الإيد دي كام خمسة
والإيد دي كام خمسة
يلا نحط إيد علي إيد يبقوا عشرة بالترتيب
12345678910
نشيد خروفي خروفي
خروفي خروفي ماء ماء
لابس بدلة صوفي ماء ماء
ليه قرنين و أربع رجلين
باكل كتير ويبقي سمين
يجي العيد ندبحه علي طول
نشيد علم بلدنا
زعلم بلدنا ثلات ألوان
أحمر فوق إسود تحت
أبيض في النصف
علمنا عالي
وطنا غالي
يلا يا روضه رودي التحية
تحيا جمهورية مصر العربية
نشيد الخضار
إحنا الخضار مين زينا مين
فينا معادن فينا فيتامين
خس وطماطم فلفل جزر
نحمي الأسنان نقوي النظر
نشيد طبق السلطه
طبق السلطة لينا مفيد
فيه فيتامين وكمان حديد
خس وجزر بالمقادير
قطع قوطه كمان مظبوطه
نصف ليمونه كمان معصوره
لما ناكلها نبقي حديد
نشيد العصفوره
العصفوره جمعت قشه
قشة وقشة بنت العشه
عشها عالي عند الشجرة
يعلو يعلوا عند القمر
مين عارفها مكان القش
مين علمها تبني العش
هو الله هو الله
سبحان الله سبحان الله
نشيد ميه ميه
ميه يا ميه تعالي عندنا
علشان نتوضا ونصلي لربنا
إبعد إبعد ياشيطان
كل ماأسمع الأذان
أتوضا و أصلي للرحمن
أنا مسلم صاحي ومش كسلان
رمز لأمة الإسلام
نشيد الأرقام
الواحد واقف مظبوط
الاتنين بتبص عليه
الثلاثه بسنتين
والأربعة اتنين واتنين
والخمسة كحكة بالسكر
والستة واقفه تفكر
والسبعه بتبص لفوق
والثامنية تبص لتحت
والتسعة عكاز جدو
والعشرة صفر وواحد
نشيد النظافة
بندق بندق أخر شقاوة
ماما تنظف يرمي زبالة
عيب يابندق في الصندوق
دي النظافة من الإيمان
من أحلي صفات الإنسان
وفرضها علينا الرحمن
نشيد حضانة إسلامية
إحنا حضانة إسلامية
ليكم منا الف تحية
إللي يصلي يروح الجنة
ياكل يشرب ويتهني
وإللي ما يصليش يتحسر
والملايكة في وشه تكشر
إبعد إبعد يا شيطان
قلبي عامر بالإيمان
إقرأ أيضا
علمي طفلك القيم بشكل جديد (نشيد التوفير لأطفال الحضانه
أنشودة طبق السلطه والغذاءالصحي لاطفال الحضانة
تعليم الأطفال في الحضانه الوقاية من فيرس كورناعن طريق الاغنية
إرسال تعليق