إبنك خلص الحروف في العربي تعالي أقولك تبدائي معاه إزاي
السلام عليكم عزيزتي الام وعزيزتي معلمه الروضه السؤال دايما
أنا خلصت الحروف مع إبني أعمل إيه وأبدأ إزاي
إبني أبدا معاه من سن كام
إبني بيقرأ الحروف بس مش بيكتب
ابني عنده لخبطة في الحروف المتشابهه
أولا مش معني إنه بيقرأ الحروف بالترتيب بس يبقي كده عارف الحروف
علشان أقول ابني عارف الحروف لازم يكون
- عارف الحروف مرتبه أ ب ت ث ج
- عارف الحروف غير مرتبه خ ت أ س
- معرفة إسم الحرف وشكله ورسمه
- مرعاة النطق الصحيح للحروف المرققه والمفخمة
خليكي معايا في أمور خلي بالك منها قبل ما أقولك تعملي إيه بعد الحروف
أبدأ مع إبني من سن كام تعليم الحروف
لأزم أبدأ معاه من سن ثلاث سنوات تأسيس خطوة خطوة ومستناش إلي سن المدرسة لإن الطفل في هذه المرحلة قبل المدرسة يكون إستعابه أعلي
في البدايه بيكون التعامل معاه شفوي وغير مطالب بالكتابه ولكن يتم تعويده دون الضغط عليه لإن عضلات اليد تختلف من طفل لطفل
أبدأ مع إبني الحروف إزاي
أولا يجب تشويق الطفل للحرف وأحسسه إنه في ضيف محبب جاي يزورنا أكني بحكيله قصة جميله
أذكر إسم الحرف وأكرره أمامه مرارا وتكرا دون كتابته وأدع لخياله أن يتصور شكل الحرف وذلك من وصفي له
مثل حرف الجيم
عامل إزاي ياتري ياجيم إنت شكلك إزاي وعامل إيه ياتري إنت فوق السطر ولا تحت السطر
أه عامل شرطه فوق السطر ونص دايره جواها نقطه أصل الجيم جعانه واكله النقطه في بطنها
لوعايزه تعرفي طريقة شرح الحروف حرف الباء في هذاالرابط
تعليم الأطفال في كي جي وان حرف الباء عن طريق الأغنية بطريقة مشوقة
ابني ياخد كام حرف في الإسبوع
طفل الثلاث سنوات غير طفل الأربعه غير طفل الخمس سنوات أكيد طفل الثلاث سنوات لسه أول مره ياخد حروف أكيد هبدأ بحرف ومع الوقت وزيادة نسبة إستعابه ممكن أزود حرف كمان
طفل الأربعه والخمسة أبدأمعاه بالحرفين في الأسبوع بجانب الحساب والانجليزي
إبني خلص الحروف ياخد إيه
- هنبتدي ناخد أشكال الحروف في أول ووسط وأخر الكلمه لازم يعرف أي حرف أي كان شكله إٍسمه إيه مش لازم يقوله وسط أول أو أخر المهم عندي دلوقتي القراءه وبعد كده أقوله وسط وأخر
- هناخد الحروف اللثويه إيه هي دي
حرف ث وحرف ذ وحرف ظ
دي الحروف اللي بنطلع فيهاطرف لسانها
ومتنسيش النشيد 👇
الحروف اللثويه طلع ثلاثه علي إيديا
خلي خلي بالك طلع طرف لسانك في الثاء والذال والظاء
- هناخد الحروف المفخمه
الحروف المفخمه هي حروف تخينه وقويه في النطق ولما أقرأها لازم لازم أتخن صوتي
ومجموعه في كلمه خص ضغط قظ
لازم أعرفه الحروف دي ويفرق بينها وبين المرققه
لازم يفرق بين الحروف المتشابهه في النطق
زي التاء والطاء
زي القاف والكاف
زي الثاء والسين
هناخد الحروف المرققه
هنعرفه إن الحروف دي في النطق ضعيفه مش قويه زي الحروف المفخمه
وأوضحله طريقه النطق
وهي بتكون باقي الحروف زي الألف والباء
علشان بعد كده عند القراءة يقرأ صح وعند الإملاء
- هناخد حروف القطع
الحروف الشقيه وتسمي حروف القطع هي
أ - د _ذ_ر_ز و وطبعا اي معلومه علشان أوصلها لطفل صغير بتكون عن طريق قصه أو نشيد
يلا معايا نشوف النشيد
ست حروف مبيتشبكوش الي يجي قبليا يتفضل يمسك فيا واللي يجي بعديا
مالوش دعوه بيا (أ د ذ ر ز و)
يعني حروف بتمسك إيد اللي قبلها وما تمسكيش في إيد اللي بعديها
زي حد ث عدل سأل عزلدلوقتي هياخد حركة الفتح ونطبق عليها في القراءة
شرح حركة الفتح
الشرح بطريقة التشويق
اذيكوا يا حبايبي النهاردةه هنا خد الفتحة
الفتحة عبارة عن إيه 👈شرطه صغيره فوق الحرف نفتح فيها الفم شويه
نشرح في البدايه علي الحروف (ج_م_س_ش)لأنها مختلفه في النطق عن باقي الحروف
ثم يتم الشرح علي باقي الحروف
أَ بـَ تَـ ثَـ جَـ حَـ خَـ
دَ ذَ رَ زَ سَـ شَـ
صَـ ضَـ طَ ظَ عَـ غَـ
فَـ قَـ كَـ لَـ مَـ نَـ
هَـ وَ يَـ
بعد معرفه الحروف مرتبه وغير مرتبه بأن تشاور المعلمه علي الحروف بطريقة عشوائيه بدون ترتيب
هناخد كلمة من حرفين
سَدَ عَمَ نَدَ هَوَ
ونطبق عليها الحروف المرققه والمفخمه
خَتَ سَقَ صَدَ قَتَ عَطَ
ثم كلمه من ثلاث حروف
سَرَفَ كَتَبَ فَتَحَ مَلَكَ
ثم بعد ذلك
كلمه من أربع حروف
وَعَبَدَ فَمَسَكَ أَمَسَحَ
تعليم الأطفال همزة الوصل وهمزة القطع عن طريق الأغنية
لطفل ذكي ومبدع إستراتيجية المعاني المتعددة
شرح أسماء الإشاره بشكل ممتع للصف الأول الإبتدائي ورياض الأطفال بالأغنيه
إرسال تعليق