تعليم الطفل الأداب بالقصه والأغنيه (أداب الشرب)
السلام عليكم يا حبايبي النهارده هنتكلم عن أداب الشرب زي ما نبينا محمد أمرنا مش إحنا بنحب النبي محمد علشان هو عايزنا ندخل الجنه معاه يبقي لازم نعمل زيه
أعمل إيه لما أجي أشرب
- لازم أقول بسم الله علشان الشيطان يبعد عننا
- أرفع الكوب باليد اليمني وأقول إيه نقول طبعا بسم الله
بسم الله بسم الله
أحلي كلام إتعلمناه
قبل ما ناكل قبل ما نشرب لازم لازم بسم الله
قبل ما نجري قبل ما نلعب لازم لازم لازم بسم الله
قبل ما نقرأ قبل ما نكتب لازم لازم بسم الله
بسم بسم الله أحلي كلام إتعلمناه
- نشرب وإحنا قاعدين مش واقفين حفاظا علي صحتنا
- نشرب علي ثلاث مرات
- لازم نحمد ربنا علي هذه النعمه بعد الشرب
- مينفعش نشرب من فم الزجاجه بل نصب في الكوب ونشرب
- مينفعش أبدا نشرب في أكواب وأباريق مصنوعه من الذهب أو الفضه
خلي بالك
- مينفعش أنفخ في الماء وأنا بشرب أوأتنفس فيه زي ما علمنا النبي محمد صلي الله عليه وسلم كله يصلي علي النبي مش إحنا قولنا أول مانسمع إسم النبي محمد نصلي عليه
ونردد
لما بنسمع إسمه نقول صلوا معانا علي الرسول
- لو كنا في مكان وفي ناس كتير عايزه تشرب نبدأ بالجالس علي اليمين
ولازم نعرف إننا بناخد ثواب كبير جدا لوفي حد عطشان وسقناه زي قصه الر جل والكلب
يلا نحكي القصه
قصه الرجل والكلب
كان يا ما كان ولا يحلي الكلام إلا بذكرالنبي عليه الصلاة والسلام
في يوم من الأيام
كان فيه رجل مسافر في الصحراء والجو كان حار جداوهو ماشي حس إنه عطشان جدا بس الميه اللي معاه خلصت قعد يدور علي مكان يشرب منه ميه
وهو ماشي لقي بير ميه فرح جدا وقال الحمد لله لقيت الميه علشان إحنا لازم نحمد ربنا علي كل نعمه
بص جوه البير👇
لقيها عميقه جدا ومفيش حاجه يجيب بيها الميه
فنزل للبير بحذر وشرب وطلع علشان يكمل سفره
وهو ماشي شاف 👇
كلب عطشان جدا ومش قادر يتحرك من العطش
قال الكلب دا عطشان زي ما كنت عطشان لازم أجبله يشرب
قعد يفكر؟؟؟
يجيب للكلب ميه إزاي وهو في الصحراء مفيش حاجه يجيب فيها ميه ففكر إنه يجيب في خفه
والخف دا إللي هو بيلبسه في رجله ونزل البير وملاأهميه
وكان مش عارف يمسكه بإيه
فمسكه بفه وطلع وقدمه للكلب والكلب شرب ومبقاش عطشان
وعلشان هو ساعد الكلب 👈ربنا غفرله ذنوبه ودخله الجنه
ولازم يا حلوين نحافظ علي الميه لإنها نعمه ربنا علينا
ممكن نردد هذا النشيد
نقطة ميه غاليه عليا
نعمه ربي ليكي وليا
يلا نحافظ سوا علي الميه
أحسن تخلص بعد شويه
وبكده نكون خلصنا أدااب الشرب
إقرأ أيضا
إرسال تعليق