خليكي واعيه وعلمي طفلك القراءه بسهوله(طريقه شرح حركه الفتح)
في البدايه اول خطوه هي تشويق الطفل للشرح وذلك لجذب الانتباه كالاتي
النهارده هناخد درس جديد علشان إحنا خلاص كبرنا وهنبقي زي ماما وبابا هناخد ايه ياتري ايه مين يقولي هناخد ايه فكروا
خلاص اقول ولا لسه هاقول(الفتحه ) طب عامله ازاي الفتحه دي يامس الفتحه ياولاد هي (شرطه صغيره فوق الحرف بنفتح فيها الفم شويه )
قولو ورايا ياولاد الفتحه ايه هي برافوا
كلوا يسمع كده
عارفين الفتحه بتقولنا ايه
ايه الفتحه بتقول إفتح بقك
برافوا الفتحه فين فوق الحرف الفتحه فين فوق الحرف
الفتحه كبيره ولا صغيره (صغيره)
بعد معرفه الطفل لشكل الفتحه ومكانها ونطقها
هنبتدي ندرب الطفل علي قراءه الحروف بالفتح وهنبدأ بالحروف المائله للكسرفي نطقها زي(س_ش_ج_م)ونضع عليها الفتحه ونطلب من الطفل قرائتها
نقوم بإعطائه بعد ذلك قاعده الفتح ويفضل كتابه الحروف مقصوصه كالتالي
قاعده الفتح
أَ بـ َتـ ثَـ جـَ حـَ خـَ
د َذ َرَ ز َسـ َشـَ صـَ ضـ َ
طَ ظَ عَـ غَـ فَـ قَـ كَـ لـَ مَ هَ وَ يـَ
ثم تقوم المعلمله بتدريب الطفل علي قراءه وكتابه القاعده مرتبه وغير مرتبه مثل(فَ ت َ حَ)(عَ مَ لَ كَ)
ملاحظات هامه جدا
* يجب مراعاه زمن نطق الفتحه فهي حركه واحده
* فك كلمات بالفتح دون تشبيكها مثل(س َجَ دَ )ثم قرائتها بسرعه
* قراءه القاعده مرتبه وغير مرتبه مع زياده السرعه في كل مره
المره القادمه هناخد قراءه الطفل للكلمات
إرسال تعليق